بە پێی ڕاپۆرتی ئاژانسی هەواڵی مێهر، حسێن ئەمیر عەبدوڵاهیان وەزیری دەرەوەی ئێران لە سەروبەندی رۆژی جیهانی قودس، بە ناردنی پەیامی جیا جیا بۆ آنتۆنیۆ گۆترش سکرتێری گشتی نەتەوەیەکگرتووەکان ، حسێن ئیبراهیم تاها سەرۆکی ڕێکخراوەی هاریکاری ئیسلامی و وەزیرانی دەرەوەی وڵاتانی ئیسلامی سەبارەت بە دۆخی فەلەستین و جەنایەتەکانی ئیسرائیل نیگەرانی دەربڕی.
ئەمیر عەبدوڵاهیان لەم پەیامانەدا کردەوە جەنایەتکارانەکانی رژێمی زایۆنی دژی گەلی فەلەستین لەوانە تیرۆر، کوشت و بڕ، دەستگیری خەڵک و تێکدان و رووخاندنی ماڵی ئەوانی دژ بە بنەماکانی مافی نێودەوڵەتی و مافی مرۆڤ زانی.
جەختیشی کرد: کۆماری ئیسلامی ئەم جەنایەتانەی ڕژێمی ئیسرائیل دژی فەلەستین ئیدانە دەکات.
راشیگەیاند؛ جێگیر بوونی ئاشتی و دادپەروەری لە ناوچەکە تەنیا لە ڕێگای نەهێشتنی داگیرکردنی فەلەستین و گەڕانەوەی ئاوارەکان و بەڕێوەبردنی ڕیفراندۆم مومکین دەبێت.
Your Comment